Бұл рейтингте Қазақстан құрамасы сегізінші орында келеді. Ал Украина бір сатыға төмендеп, тоғызыншы орынға табан тіреді.
Рейтингте көш басында Бразилия келе жатса, одан кейінгі орындарда Португалия мен Испания тұр.
Сондай-ақ алғашқы ондыққа Аргентина, Иран, Марокко, Ресей, Франция енгізілген.
Айта кетсек, ФИФА күнтізбесіне сәйкес футзалдан 5-15 сәуір аралығында оқу-жаттығу жиынын ұйымдастырды. Какау бастаған отандастарымыз оқу-жаттығу жиыны аясында Ақтау қаласында Әзербайжан құрамасымен 13 және 15 сәуір күндері екі жолдастық матчта шеберлік байқасты.
Алғашқы ойында отандастарымыз 9:2 есебімен жеңсе, одан кейін аталған қарсыласын 4:2 есебімен тізе бүктірді.
Айта кетсек, ел құрамасы 2026 жылғы Еуропа чемпионатында өз тобында екінші орынды місе тұтты.
Алдымен Албанияны 2:0 есебімен жеңсе, одан кейін Армениямен 4:4 есебімен тең ойнады. Үшінші кездесуінде Даниядан 2:3 есебімен жеңіліп қалса, өз алаңында аталған қарсыласын 7:3 есебімен тізе бүктірген еді. Бесінші ойында Албаниядан 4:2 есебімен басым түссе, дәл сондай есеппен сырт алаңда Арменияға есе жіберді.
Одан кейін плей-офф сатысында отандастарымыз Италия құрамасына (2:1, 2:3, пенальтиден 0:1) жол берді.