«Қазақстан ғарыш сапары» ҰК АҚ-ның бұрынғы президентіне қатысты сот отырысының өтетін күні белгіленді
11:10, 25 Желтоқсан 2013
АСТАНА. 25 желтоқсан. ҚазАқпарат - Астана қаласының қылмыстық істер бойынша мамандандырылған ауданаралық соты «Қазақстан ғарыш сапары» Ұлттық компаниясының бұрынғы президенті Ғабдуллатиф Мұрзақұловқа қатысты қылмыстық іс бойынша басты сот отырысы 28 желтоқсан сағат онға белгіленді.
Ғ. Мұрзақұлов ҚР ҚК 311-бабының 5-бөлімі бойынша айыпталып отыр. Аталған бап бойынша санкция 10-нан 15 жылға дейін мүліктің тәркіленуімен бас бостандығынан айыруды қарастырады. Бұдан бөлек, Мұрзақұловқа 193-баптың 3-тармағының «в» пункті - «Қылмыстық жолмен аса ірі көлемде ақшалай қаржы немесе басқа мүлікті заңдастыру» бойынша Қылмыстық кодексте мүлікті тәркілеумен бірге жеті жылға бас бостандығынан айыру жазасы қарастырылған.
Сотталушылар қатарында ҚР ҚК 313-бабының 1-тармағы бойынша айыпталып отырған Ербол Асылбеков бар (Пара алуда делдалдық жасағаны үшін). Аталған бап бойынша екі жылға дейін бас бостандығынан айыруы мүмкін.