UWW Asia (Азия күрес федерациясы) онлайн дауыс беру арқылы 2023 жылдың ең үздік ұлттық федерациясын анықтады, деп хабарлайды Kazinform.
Қазақстан күрес федерациясының баспасөз қызметі таратқан мәліметке сәйкес, UWW Asia атқару комитеті мүшелерінің екі кезең бойынша дауыс беруімен ҚР Грек-рим, еркін және әйелдер күресі федерациясы Азияның «үздік ұлттық күрес федерациясы» деп танылды.
Мәлім болғандай, ұлттық федерацияны анықтау кезінде күрестен ересектер арасында Азия чемпионатының Қазақстанда өтуі маңызды рөл атқарды.
Айта кетейік, ол жарыста қазақстандық балуандар 7 алтын медальға ие болған.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.