Бүгін ҚР Парламенті Мәжілісінде өткен Үкімет сағатында ҚР Статистика агенттігінің төрағасы Әлихан Смайылов осылай мәлім етті.
Агенттік төрағасының айтуынша, соңғы 20 жылда еліміздегі халық санында үлкен оң өзгерістер байқалды. Үкімет тууды ынталандыру, өлім-жітімді төмендету, миграциялық тасқынды реттеу, оның ішінде оралмандарға арналған жыл сайынғы квота санын арттыру секілді бірқатар маңызды шараларды қамтыды. «Соның нәтижесінде ағымдағы жылдың 1 қаңтарындағы мәлімет бойынша халық саны 16 млн. 675 мың адамды құрады. Бұл 2000 жылғы кезеңмен салыстырғанда 10,6 пайыз немесе 1 млн. 773 мың адамға артық көрсеткіш. Ал перспективадағы онжылдыққа келетін болсақ, біз жыл сайынғы халық санының өсімін шамамен 200 мың адамға есептейміз және біздің болжамымыз бойынша 2020 жылға таман халқымыздың саны 18,7 млн. адамды құрайтын болады», - дейді Ә. Смайылов.