АСТАНА. KAZINFORM — Қазіргі бессайыстан Гуйян қаласында (Қытай) өтіп жатқан әлем чемпионатында эстафеталық жарыстар аяқталды.
Ерлер арасындағы бәсекеде қазақстандық Темірлан Әбдраимов пен Лев Чувашов жетінші орынға ие болды.
Әйелдер арасында Аяна Қазбекова мен Юлиана Петрова тоғызыншы нәтиже көрсетті.
Қазақстан құрамасы аралас эстафетада да сынға түсті. Кирилл Стадник пен Ярославна Понер жарысты тоғызыншы орынмен аяқтады.
Енді әлем чемпионатында жекелей жарыстар басталды.
Еске салайық, бұған дейін Қазақстан маунтинбайктан Малайзиядағы турнирде үш медаль жеңіп алғанын хабарлаған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.