«Құрметті жауынгерлер, мыңдаған колхозшылар сіздерге көмектесу үшін қолда бар ақшасын беріп отыр. Осындай адамдардың есімдерін білу керек. Олар:
Бөкенбаев Оразбай, Қаратал ауданындағы «Қызыл Бұлақ» колхозының төрағасы, танк колоннасының құрылысына 300 мың рубльді салды.
Қазыбаев - Меңдіқара ауданындағы «Жаңа Тұрмыс» колхозының төрағасы, 190 мың рубль салды. Байжанов Сәпи - Обаған ауданындағы «Коммунистер кеңесі» колхозының тракторшысы, 175 мың рубль. Ысқақова Кәделі - Денгіз ауданының Карл Макс атындағы колхоз төрайымы - 175 мың рубль. Бедесарова Бисе - Шая ауданындағы «Ақбастау» колхозының төрағасы - 167 мың рубль. Оңдасынов Бектай - Шая ауданы, «Ақ Тас» колхозының төрағасы - 166 мың рубль. Жүсіпов Әбдікәрім - Түркістан ауданындағы «Бірлік» колхозының төрағасы - 165 мың рубль. Осындай адамдардың тізімін жалғастыра беруге болады. Қызыл әскер үшін колхоз бен колхозшылардан күн сайын жүздеген, мыңдаған пұт нан, ет, май және басқа да ауылшаруашылық азық-түлік жеткізіліп отыр. Көп ұзамай майдандағы жүздеген, мыңдаған қуатты жаңа танкілердің арасында әкеңіз, зайыбыңыз, апа-қарындасыңыз бен інілеріңіз қаражатына жасалған техника да болады.