АСТАНА. KAZINFORM – Канаданың Калгари қаласында конькимен жүгіруден өткен әлем кубогы кезеңінде Қазақстан құрамасы қола жүлдегер атанды.
Спортты дамыту дирекциясының баспасөз қызметінен мәлім еткеніндей, қазақстандықтар командалық спринтте табысты өнер көрсетті.
Кристина Силаева, Дарья Важенина және Надежда Морозова үштігі жарыс қашықтығын 1:26.36 секундта еңсеріп, Қазақстан қоржынына қола медаль салды.
Алтын жүлдені Канада (1:24.90) жеңіп алса, күміс медаль Польшаның (1:25.02) еншісінде кетті.
Еске сала кетейік, бұдан бұрын қазақстандық конькишілердің Калгариде өтетін әлем кубогы кезеңіне қатысатынын жазған болатынбыз.
Құрамға кіргендер: Мария Деген, Надежда Морозова, Кристина Шумекова, Инесса Шумекова, Маргарита Галиева, Кристина Силаева, Дарья Важенина, Роман Биназаров, Виталий Щиголев, Артур Галиев, Демьян Гаврилов, Александр Кленко, Евгений Кошкин, Бақдәулет Сағатов, Никита Важенин, Вадим Якубовский, Алтай Жәрдембекұлы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).