АСТАНА. KAZINFORM - Қазақстан ерлер құрамасы Индонезияның Бали қаласында Азия чемпионатында семсерлесуден командалық жарыста екінші орын алды.
Финалда Қазақстан мен Жапония құрамалары шеберлік байқасты. Кездесу барысында жапониялық семсерлесу спортының шеберлері 45:39 есебімен жеңіске жетті. Нәтижесінде бас жүлде Жапония құрамасына бұйырса, отандастарымыз екінші орынға табан тіреді.
Ел құрамасы сапында Эльмир Алимжанов, Руслан Кұрбанов, Вадим Шарлаимов, Ерлік Сертай сынға түсті.
Айта кетсек, Жапония 2024 жылы Олимпиадада финалға дейін жетіп, Венгрияға есе жіберіп қойған еді.
Қазір Қазақстан құрамасы қоржынында екі медаль бар. Бұдан бұрын Вадим Шарлаимов жекелей сында үздік үштіктен көрінді.
Айта кетсек, семсерлесуден Азия чемпионатында ел намысын 23 спортшы қорғап жатыр. Құрлықтық дода 23 маусымда мәресіне жетеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.