АСТАНА. ҚазАқпарат - Астанада теннистен өтіп жатқан Дэвис Кубогының 1/8 финалындағы Қазақстан - Швейцария арасында өткен матчта отандастарымыз ширек финалға жолдама алды, деп хабарлайды ҚазАқпарат.
Бүгін жұптық кездесуде Тимур Хабибулин мен Александр Недовесов дуэті арасындағы тартысты өрбіген бес сеттік ойында швейцариялық Марк-Андреа Хуслера мен Лука Маргароли жұбынан басым түсті. Есеп - 6:4, 6:4, 3:6, 6:7, 6:3.
Естеріңізге сала кетсек, кеше Дмитрий Попко мен Михаил Кукушкин швейцариялық Генри Лааксонен мен Ардиан Бодмерді жеңген болатын. Осылайша, Қазақстан мен Швейцария арасындағы матчта есеп 3:0 есебімен жерлестеріміздің пайдасына шешілді.
Турнирдің ширек финалында отандастарымыз Канада-Хорватия жұбының жеңімпаздарымен кездеседі.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.