АСТАНА. ҚазАқпарат – Футболдан Қазақстан ұлттық құрамасының жартылай қорғаушысы Рамазан Оразов Павлодардың «Ақсуынан» Қостанайдың «Тобылына» ауысты, деп хабарлайды ҚазАқпарат тілшісі.
«Тобыл» футбол клубының баспасөз қызметінен мәлім еткеніндей, Р.Оразов 12 сәуір күні келісімшартқа отырды.
Рамазан Оразов – «Қайрат» академиясының түлегі.
2019 жылдың 11 шілдесінде ол Еуропа лигасында босниялық «Широки Бриег» клубымен матчта дебют жасады. Жауап матчында еурокубоктардағы алғашқы добын соқты. 2020 жылы латвиялық «Даугавпилске» ауысты. Екі жылдан кейін Рамазан Оразов ресейлік «Чайка» клубымен келісімшартқа отырды, онда 12 матч өткізді. «Чайкадан» кейін Рамазан «Ақтөбе» және «Ақсу» командаларында ойнады.
2021 жылдың 31 наурызында Украинамен ойында Қазақстан құрамасы сапында алғаш рет алаңға шықты.
Туған күні: 30 қаңтар 1998 жыл.
Бойы: 171 см.
Салмағы: 65 келі.
Позиция: жартылай қорғаушы.
Еске сала кетейік, бұдан бұрын Лионель Мессидің Криштиану Роналдудың рекордын жаңартқанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).