АСТАНА. ҚазАқпарат - Дзюдодан Қазақстан қыздар құрамасы Тюрингия кубогының қола жүлдегері атанды, деп хабарлайды ҚазАқпарат тілшісі.
Германияда жастар арасында өткен халықаралық Тюрингия кубогының командалық сайысында Қазақстан құрамасының қыздары жүлделі орынға ие болды. Олар қола үшін күресте татами иелерін (Германия) жеңіп, жүлделі орынға қол жеткізді.
Командалық сайыста Қазақстан намысын 48 келі салмақта Ақмарал Науатбек, 52 келіде Айдана Бұғылбаева, 57 келіде Аида Карчаева, 63 келіде Мөлдір Нарынова, 70 келіде Жания Махмудова, 78 келіде Назерке Тілеуханова, 78 келіден жоғары салмақта Камила Берліқаш қорғады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.