Оның айтуынша, бүгін Қазақстанның Мемлекеттік әлеуметтік сақтандыру қоры мен Әзербайжан Республикасының Мемлекеттік әлеуметтік қорғау қоры арасында ынтымақтастық туралы меморандумға ресми түрде қол қойылды.
- Аталған меморандум аясында тараптар өзара тәжірибе алмасып, әлеуметтік сақтандыру саласында бірлескен жұмыстар жүргізеді. Ынтымақтастық екіжақты форматта да, сондай-ақ халықаралық алаңдар шеңберінде де жүзеге асырылады, - деді ол.
Спикердің сөзінше, құжат Әзербайжан Республикасында Президент әкімшілігі деңгейінде келісілген. Ал ресми қол қою рәсімі Қазақстанда өткен салалық көрме аясында ұйымдастырылды.
Бұған дейін Мемлекеттік әлеуметтік сақтандыру қорына шектен тыс салмақ түсірген облыстар белгілі болғанын жазғанбыз.