Бұл туралы Қазақстан Республикасының Сауда және интеграция министрі Арман Шаққалиевтің Фуцзянь провинциясына жасаған жұмыс сапарының қорытындысы бойынша мәлім болды. Сапар аясындағы басты келісімдердің бірі – қытайлық Fujian Hengwang Investment компаниясымен ірі инвестициялық жобаны жүзеге асыру мәселесін пысықтау.
Жоба Қазақстанда жылына 3 млн тоннаға дейін болат өндіретін металлургиялық комбинат салуды көздейді. Инвестиция көлемі шамамен 1,2 млрд АҚШ доллары. Кәсіпорын іске қосылған жағдайда шамамен 2,5 мың жаңа жұмыс орны ашылады. Өнім негізінен ішкі нарыққа бағытталып, сондай-ақ экспортқа шығарылмақ.
Сонымен қатар Қазақстанда бірқатар сала бойынша өндірістерді жергіліктендіру жобалары қарастырылып жатыр. Jinyuan тоқыма компаниясымен жіп иіру өндірісін іске қосу және шикізатты терең өңдеу бағыттары талқыланып жатыр. Weihua Heavy Machinery компаниясымен жүк көтергіш жабдықтар шығаратын өндіріс пен инженерлік орталықтар құру мәселесі қаралып жатыр.
Shenda Electric компаниясымен трансформаторлар мен электротехникалық өнімдер өндірісін ұйымдастыру мүмкіндігі талқыланса, Jinlun Hi-tech Fiber компаниясымен синтетикалық талшықтар мен химиялық өңдеу саласындағы жобалар пысықталып жатыр.
Жалпы алғанда, бұл бастамалар Қазақстан аумағында қосылған құны жоғары өндірістер тізбегін қалыптастыруға, жаңа технологияларды енгізуге, өндірісті жергіліктендіруге және сыртқы нарықтарға шығуға бағытталған.
– Фуцзянь – Қытайдың жетекші өнеркәсіптік әрі экспорттық өңірлерінің бірі. Біз Қытаймен тұтас ел ретінде емес, нақты провинциялар деңгейінде жұмыс істейміз. Осы өңірдің порттары арқылы қазақстандық өнімдер Қытайдың оңтүстігіне және АСЕАН елдерінің нарығына шығуға мүмкіндік алады, – деді Арман Шаққалиев.
QazTrade дерегіне сәйкес, 2025 жылы Қазақстан мен Фуцзянь провинциясы арасындағы тауар айналымы шамамен 522 млн АҚШ долларына жеткен.
Айта кетейік, Қазақстан мен Қытай арасында Циндаода $125 млн келісімге қол қойылды.
Қазақстан Қытайға экспортты арттырып жатыр.