деп хабарлайды ҚазАқпарат.
«Қазіргі кезде Қазақстанның және Қырғызстанның тиісті мемлекеттік органдары екі ел арасындағы шекараны ашу жөнінде келіссөздер жүргізуде. Әзірге нақты шешім қабылданған жоқ. Бірақ та шекараны тауар тасымалы үшін ашу мәселесі өзінің шешімін табатын болады», деді А. Әбдірахманов.
Оның айтуынша, бұл мәселемен Қазақстан тарапынан Ұлттық қауіпсіздік комитетінің шекара қызметі айналысуда. Бұл ретте келіссөздер қарқынды жүргізілуде және шекара арқылы өтетін транзиттік жүктерді тасымалдаудың барынша икемді режимі қарастырылуда.