Қазақстан мен Өзбекстан ғарыштық технология саласында ынтымақтастықты жоспарлауда (ФОТО)
Қазіргі уақытта Өзбекстан KazEOSat-1 және KazEOSat-2 қазақстандық Жерді қашықтықтан зондтау (ЖҚЗ) жерсеріктерінің ғарыштық түсірілімдерін сатып алуға мүдделі.
«Қазақстан Ғарыш Сапары» ҰК» АҚ («ҚҒС» ҰК» АҚ) мамандары «Өзбекстан-Қазақстан: сауда миссиясы» бизнес-форумына қатысты, ол «KAZNEX INVEST» АҚ қолдауымен Өзбекстанның астанасы Ташкент қ. ұйымдастырылды.
Осы іс-шара шеңберінде қазақстандық мамандар Госкомгеология жанындағы «Жерді қашықтықтан зондтау және ГАЖ технологиялар орталығы» МК, Өзбекстан Республикасының Ғылым академиясының Астрономиялық институты (АИ), Ташкент ирригация және мелиорация институты, Өзбекстан Мемкомитеті жанындағы Ұлттық геодезия және картография орталығының өкілдерімен кездесу өткізді.
«ҚҒС» ҰК» АҚ мамандары бизнес-форумға қатысушыларға KazEOSat-1 және KazEOSat-2 Жерді қашықтықтан зондтау ғарыш аппараттарының Өзбекстан аумағындағы мүмкіндіктерін көрсетті.
Бұдан басқа, тараптар ЖҚЗ деректерін және геоақпараттық технологияларды пайдалану саласында тәжірибемен алмасты, қазақстандық ғарыш аппараттарынан алынатын түсірілімдерді пайдаланумен ғарыштық түсірілімдердің нәтижелерін қолдану бойынша бірлескен жобаларға қатысуды талқылады.
Өткізілген келіссөздер қорытындылары бойынша Өзбекстанның мемлекеттік ұйымдары Өзбекстан Республикасының аумағында қазақстандық ЖҚЗ ғарыш аппараттарының деректерін пайдалануға үлкен қызығушылық білдірді.
Тараптар Ынтымақтастық туралы тиісті келісімге, сондай-ақ ЖҚЗ жөніндегі дистрибьюторлық келісімге 2015 жылы 27 қарашада Астана қаласында өтетін «Қазақстандағы ғарыш күндері - 2015» III халықаралық семинарда қол қоюға ниетті.