ОРАЛ. 12 маусым. ҚазАқпарат - Қазақстан мен Ресейдің көршілес аумақтарында шегірткемен бірлесе күресудің мәні зор. Бұл туралы Тасқала ауданы әкімдігінде аудан әкімі Қуат Мусиннің төрағалық етуімен өткен кеңесте айтылды.
Шараға ҚР Ауыл шаруашылығы министрлігі Агроөнеркәсіптік кешені мемлекеттік инспекциясы комитетінің төрағасы Сақташ Хасенов, ҚР Ауыл шаруашылығы министрінің кеңесшісі Жарқын Нұрпейсов, ҚР АШМ фитосанитариялық қауіпсіздік басқармасының басшысы Ажар Қажыбекова, сондай-ақ Ресей елінен келген мамандар қатысты.
Кездесуде көрші аймақтарда шегірткемен бірлесе күресудің жолдары әңгіме арқауына айналды. Екі ел қатар қимылдамаса, бір жағын улағанымен, шегірткенің екінші елге көшіп кететіні ескеріліп, бірлескен жұмыс тобы құрылып, атқарылар шаралар нақтыланды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).