Кездесу барысында екі елдің Мемлекетаралық тауар өткізу жүйесін құру мәселесі талқыланды, деп хабарлайды ҚазАқпарат ҚР Сауда және интеграция министрлігінің ресми сайтына сілтеме жасап.
Қазақстандық тарап Қазақстанда тауар өткізу жүйесін құру жөніндегі жұмыс туралы таныстырып, Тәжікстан Республикасының аумағында 3 көтерме-тарату орталығын салу жоспарлары туралы хабардар етті.
Мамандардың Тәжікстанның Хатлон және Соғды облыстарына шығуын ұйымдастыру туралы уағдаластыққа қол жеткізілді.
Тәжікстанның ауыл шаруашылығы вице-министрі Тәжікстан тарапының Тәжікстанда КТО құруға қызығушылығын растады және мұндай КТО құру Тәжікстан үшін алғашқы тәжірибе болатынын атап өтті.
Тәжік тарапы Тәжікстаннан ауыл шаруашылығы өнімдері экспортының көлемі бойынша барлық қажетті деректерді ұсынады.
Өз кезегінде қазақстандық тарап жемістер мен көкөністерді өндіру жағдайларын зерттеуге және фермерлік шаруашылықты ұйымдастыруға қызығушылық танытты.