Бұл туралы ҚР СІМ баспасөз қызметі мәлім етті.
Сұхбаттасушылар Қазақстан мен Украина арасындағы екіжақты және көпжақты форматтағы ынтымақтастықтың дамуына қатысты мәселелерді талқылады.
Сауда-экономикалық ынтымақтастықтың қарқынына тоқтала отырып, сұхбаттасушылар стратегиялық әріптестіктің жан-жақты толтырылып отыруының маңыздылығын атап өтті.
Екі елдің сыртқы істер министрлері одан кейін ағымдағы жылдың 8 сәуірі күні Киевте өтетін ТМД Сыртқы істер министрлері кеңесінің отырысына дайындық барысын қарады.