Оның айтуынша, мұнай Ақтау портына, Атасу – Алашаңқай бағытына, сондай-ақ Атырау – Самара бағытына жөнелтілген.
– Қосымша экспорт бағыттары ретінде Баку – Тбилиси – Жейхан жүйесі арқылы тасымалдау, Каспий теңізі арқылы Әзербайжан аумағына жеткізу, сондай-ақ Баку – Супса бағыты қарастырылып жатыр, – деді Әсел Серікпаева.
Қазірдің өзінде Баку – Тбилиси – Жейхан жүйесі арқылы жылына шамамен 1,2 млн тонна қазақстандық мұнай тасымалданады.
– Бұл ретте Әзербайжан тарапы Қазақстан мұнайын қабылдау көлемін жылына 2,2 млн тоннаға дейін арттыруға дайын екенін білдірді, – деп толықтырды министрлік өкілі.
Айта кетейік, бұған дейін, Энергетика министрлігі КҚК жұмысы толық тоқтайды деген ақпаратты жоққа шығарған болатын.