Отырыстың негізгі тақырыбы 2024–2030 жылдарға арналған Қазақстанның мұнай-газ химиясы өнеркәсібін дамыту мәселелері болды.
Отырыс барысында мұнай-газ химиясы өнеркәсібін дамыту жөніндегі Жол картасын іске асыру аясында нормативтік-құқықтық базаны жетілдіру жұмыстары жалғасып жатқаны атап өтілді. Қазіргі уақытта Парламентте инвестиция тарту үшін қолайлы жағдай жасауға бағытталған «Мұнай-газ химиясы өнеркәсібі туралы» заң жобасы қаралып жатыр. Саланы дамыту жөніндегі жобалардың жиынтық инвестициялық портфелі шамамен 15 млрд АҚШ долларын құрайды.
Қатысушыларға полиэтилен өндіру зауыты, газды бөлу кешені, сондай-ақ бутадиен, алкилат, полиэтилентерефталат және карбамид өндіру жобаларын іске асыру барысы туралы ақпарат ұсынылды. Бұл жобалардың барлығы Қазақстанда заманауи, жоғары технологиялық мұнай-газ химиясы кластерін қалыптастыруға бағытталған.
Сонымен қатар отырыс барысында Энергетика министрлігінің отын-энергетика кешені мәселелері жөніндегі Қоғамдық кеңесінің 2026 жылдың бірінші жартыжылдығындағы қызметінің қорытындылары шығарылды.
Осыған дейін кореялық компаниялардың Қазақстанның энергетика саласына инвестиция салуға ниетті екені туралы жаздық.