Қазақстан Орталық Азияның ең ірі транзиттік-көліктік, логистикалық хабы болады - Н.Назарбаев
тағайындалған бірқатар шетелдік дипломаттан сенім грамотасын қабылдаған Елбасы Нұрсұлтан Назарбаев осылай деді. «Нұрлы жол» атты жаңа экономикалық саясатымызды іске асырудамыз. Біз индустриялық-инновациялық бағдарламамыздың екінші кезеңін іске асыруды бастадық. Біздің алдағы мақсатымыз - көлік инфрақұрылымын дамытып, Азия мен Еуропаны жалғайтын жол жасау. Қазақстан Орталық Азияның ең ірі транзиттік-көліктік, логистикалық хабы болады», - деді ҚР Президенті.
Сонымен қатар, Елбасы Астана халықаралық «ЕХРО-2017» көрмесін өткізуге дайындалып жатқанын, бұл көрме болашақтың энергиясы деген тақырыппен ұйымдастырылатындығын еске салып өтті.
«Қазақстан-2050» Стратегиясы шетелдік серіктестермен де тиімді ынтымақтастықты қарастырады. Ең алдымен инвестициялық байланыс, технология алмасу салаларына мән беріледі. Инновациялар мен озық тәжірибелерді импорттау, елдің өнім экспортын ұлғайту мәселелері назарда болады», - деген Мемлекет басшысы жаңа Елшілердің қызметтері екіжақты байланыстарды барынша арттыратындығына сенетіндігін баса айтты.