Қазақстан-Ресей арасында қай салаларда сауда айналымын арттыру жоспарланып отыр
АСТАНА. KAZINFORM – Былтыр қос мемлекет арасындағы сауда айналымының көлемі 27 млрд доллардан асқан. Ендігі мақсат – бұл көрсеткішті 30 млрд долларға жеткізу. Бұл жөнінде ҚР Сауда және интеграция министрі Арман Шаққалиев мәлімдеді.
Фото: Солтан Жексенбеков/ Kazinform
Екіжақты үкіметаралық келіссөзден кейін журналистерге сұхбат берген ол нақты басымдық берілетін секторларды атап өтті.
Фото: Солтан Жексенбеков/ Kazinform
– Энергетика, сауда, транспорт, логистика т.б. салаларда ынтымақтастықты дамыту мәселесі үкіметаралық комиссия шеңберінде талқыланды. Сонымен қатар ертең Шымкентте ЕАЭО үкіметаралық кездесуі басталады. Бұл жолы Digital Kazakhstan іс-шарасы өтпек. Сол жөнінде ақпарат ұсындық. Бұдан бөлек биыл Омбы қаласында өтетін өңіраралық серіктестік форумы жайында сөз қозғалды, – деді А.Шаққалиев.
Айта кетейік бұған дейін Қазақстан-Ресей арасындағы сауда айналымы 30 миллиард долларға жуықтағанын жазғанбыз.
Әл-Фараби атындағы ҚазҰУ журналистика факультетінің түлегі. Л.Н. Гумилев атындағы ЕҰУ-де қазақ тілі мен әдебиеті бойынша магистратураны бітірген. Сондай-ақ, Ұлыбританиядағы Абердин университетінде магистратурада оқыған. Республикалық телеарналарда қызмет атқарған. 2026 жылдан бастап «ҚазАқпарат» халықаралық ақпарат агенттігінің тілшісі.