Қол қою рәсімі кезінде екіжақты деңгейдегі ынтымақтастықтың келешегі, сондай-ақ, БҰҰ күн тәртібінің екі жаққа маңызды мәселелері талқыланды. Тараптар өзара тиімді байланыстарды энергетика, мәдениет және білім беру салалары төңірегінде дамыту маңыздылығын мойындады.
Тонга Корольдігінің Елшісі Қазақстанның БҰҰ-ның Қауіпсіздік Кеңесінің тұрақты емес мүшелігіне 2017-2018 жылдарына сайлану бастамасын оң қабылдады. Қазақстан тарапы алдағы VIII Астана экономикалык форумына, Әлемдік және дәстүрлі діндер лидерінің бесінші съезіне, сондай-ақ Қазақстандағы ең ірі іс-шаралардың бірі болып саналатын Болашақ энергетикаға арналған «ЭКСПО-2017» көрмесіне Тонга Корольдігінің өкілі қатысатынына үміт білдірді. Тонга Корольдігі - Тынық мұхиттің оңтүстігінде орналасқан Полинезиялық мемлекет, халқының саны 100 000-нан асады, үкіметтік билеу формасы - мұрагерлік конституциялық монархия. Экономиканың ең маңызды салаларының бірі - ауыл шаруашылығы. Мемлекет азық-түлік, машина құру өнімдері мен көлік құралдарының, отын және химия өнімдерінің импортына тәуелді болып келеді. Импорт экспорттан көп есе артық. Корольдік - Дүниежүзілік сауда ұйымының, Тынық мұхит қоғамдастығы Хатшылығының, Тынық мұхит аралдары форумының, Ұлттар достастығының мүшесі.