Қазақстан шайды қай елдерден алдырады

АСТАНА. KAZINFORM — Алғашқы жарты жыл ішінде Қазақстан 40,4 млн АҚШ доллары сомасына 13,4 мың тонна шай импорттады. Өткен жылдың сәйкес кезеңімен салыстырғанда импорт көлемі 28,1% қысқарды, дейді ұлттық статбюродан. 

Негізгі жеткізушілер Кения — 4,8 мың тонна, Үндістан — 4,7 мың тонна, сондай-ақ Қытай мен Ресей — әрқайсысы 1,1 мың тоннадан.

Оған қоса шай өнімі Вьетнам, Иран, Шри-Ланка және Грузиядан да келеді.

Өз кезегінде Қазақстан шайды Ресейге, Қырғызстанға, Өзбекстанға, Түрікменстанға, Тәжікстанға, Моңғолияға және Түркияға экспорттады.

Айта кетейік, бір адам орташа есеппен жылына 1,4 кг шай тұтынады (2023 жыл бойынша).