ҚР Қаржы министрлігінің баспасөз қызметінен хабарлағандай, Премьер-Министрдің орынбасары-Қаржы министрі Ерұлан Жамаубаев Сингапурға сапары аясында «Changi Airport Group» компаниясының бас директоры Ли Сеу Хианмен кездесті. Жүздесу барысында Сингапур-Қазақстан тікелей әуе рейсін ашу мүмкіндіктері талқыланды.
Айта кету керек, Changi әуежайы Сингапурдың негізгі әуе қақпасы саналады. Ол - жолаушыларға қызмет көрсету жүктемесі бойынша әлемдегі алтыншы, ал Азия көлемінде екінші әуежай.
Сонымен қатар, кездесу барысында сингапурлық тарап Қазақстанда жүргізіліп жатқан реформалардың арқасында екі ел арасында қолайлы инвестициялық ахуал орнағанын атап өтті.