Қазақстандық команда спорттың 10 түрінен бақ сынайды. Атап айтсақ, садақ ату, гимнастика, жеңіл атлетика, семсерлесу, дзюдо, жүзу, үстел теннисі, таеквондо, оқ ату, ушу жарыстарына қатысады.
Қазақстандық делегация құрамында 116 адам, оның ішінде 90 спортшы, 20 жаттықтырушы, штабтың 6 өкілі және медицина қызметкерлері бар.
«Қытайдағы XXXI Дүниежүзілік Жазғы универсиадаға қатысу үшін РБ-тен 244 млн теңге бөлінді. Қаражат тек делегацияға қатысушылар үшін қарастырылған.
Аталған қаражат Дүниежүзілік Универсиадаларға даярлауға, оның ішінде аккредиттеу, тұру және тамақтану, төрешілік ету, ұшу билеттерін сатып алу (бару-қайту), құрама командаға арналған спорттық жабдыққа тапсырыс беру, визалық шығыстар, спортшыларды сақтандыру үшін халықаралық студенттік спорт федерациясының (FISU) регламенттеріне сәйкес міндетті жарналар мен алымдарды енгізуге бағытталған. Сонымен қатар қауіпсіздік үшін жағдай жасау, медициналық препараттармен қамтамасыз ету және басқа да шығындарға жұмсалады.
«Қазақстан құрамасына дзюдо, таеквондо, жүзу, үстел теннисі және жеңіл атлетика сияқты спорт түрлерінен Республикалық XII универсиадада жүлделі орындарға ие болған спортшылар кірді. Гимнастика, садақ ату, семсерлесу, оқ ату және ушу жарыстарында өнер көрсеткен қатысушылар республикалық және халықаралық іріктеу турнирлері мен чемпионаттарда Дүниежүзілік универсиадаға жолдама алды», – деді Ғылым және жоғары білім министрлігі баспасөз қызметінен.