Қазақстан Тәуелсіздігіне 25 жыл: суретшінің көзімен (ФОТО)

АЛМАТЫ. ҚазАқпарат - Алматыда Орталық мемлекеттік мұражайда суретші, сәулетші, Қазақстан суретшілер одағының мүшесі Тамара Волкованың «Менің өмірім - Қазақстан» сурет көрмесі өтті.

Экспозиция Қазақстан Тәуелсіздігіне 25 жыл толуына орай ұйымдастырылды.

Мерейтойлық көрмеде Алматы тұрғындары суретшінің әр кездері жазылған 60-тан астам картинасын тамашалады.

«Менің бар өмірім Қазақстанда өтті. 5 жасымнан бастап тұрамын. Мәскеуде, Ярославльде тұрғанда да Қазақстанға кеткім кеп тұратын. Үнемі осы елге бүйрегім бұрып тұратын. Мен үшін мында бәрі қымбат. Қазақстанның мәдениеті мен тарихын зерттеу өте қызық», - деді көрме авторы.

Тамара Волкова Алматы мен Өскемен қалаларының негізгі тірек жобасының авторы. Оның жобасы бойынша Ярославльде ірі ғимараттар салынды.