Нәтижесінде, Анталиядағы ҚР Консулдығының көмегімен 8 маусымда Анталиядан Қазақстанға - 124 адам, 9 маусымда - 65 турист, 10 маусымда - 164 адам «Pegasus Airlines» авиакомпаниясымен әкелінді.
Бүгін сағат 11.30-да 101 туристі жеткізген «Pegasus Airlines» авиакомпаниясының ұшағы Астанаға қонды. Сондай-ақ, бүгін «Pegasus Airlines» авиакомпаниясының Анталиядан Алматыға ұшуы жоспарланып отыр, ондағы шамаланған орын саны - 202.
ҚТҚ және елдің туристік нарығы қолдау көрсеткені және жедел шешім қабылдағаны үшін ҚР Президенті Н. Назарбаевқа, Үкіметке және жеке С. Ахметов және Ә. Исекешевке, ҚР ИЖТМ вице-министрі А. Рауға, ҚР ИЖТМ ТИК төрағасы К. Танысбаевқа, ҚР-дың Анталиядағы консулы Б. Абдрахмановқа қиындыққа тап болған қазақстандықтарға қолдау көрсетіп, ықылас білдіргендері үшін алғыс айтады.
ҚТҚ мәселені талқылауға, шешім шығаруға, көмек көрсетуге белсенді қатысқан туристік операторларға, сондай-ақ, өз клиенттерін қиындықта қалдырмаған туристік агенттерге, осындай туристік сала үшін қиын жағдайда бейжай қалмағандардың барлығына алғыс білдіреді.