АСТАНА. 11 сәуір. ҚазАқпарат /Руслан Ғаббасов/ - Бүгін Қазақстаннан Жапонияға гуманитарлық жүк жөнелтіледі. Бұл туралы Астанада өткен апталық брифингте Сыртқы істер министрлігінің ресми өкілі Асқар Әбдірахманов мәлім етті.
Ресми өкілдің сөзіне қарағанда, Жапониядағы зілзаладан кейінгі апатқа байланысты Қазақстан Үкіметі Жапонияға 1 млн. АҚШ доллары көлемінде қаржылай көмек жасауды және 33 тонна көлемінде ет консервілерін жеткізу туралы шешім қабылдады. «ҚР Төтенше жағдайлар министрлігінің ұшағы осы жүкпен бүгін Жапонияға аттанады»,-деді А. Әбдірахманов.
Айта кетейік, 1 млн. АҚШ доллары көлеміндегі қаржы Жапонияның Қызыл Крест қоғамына аударылады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.