Қазақстан Үкіметінің делегациясы ТМД Экономикалық кеңесінің 57-ші отырысына қатысады
12:46, 11 Наурыз 2013
АСТАНА. 11 наурыз. ҚазАқпарат - Қазақстанның үкіметтік делегациясы Мәскеудегі ТМД Экономикалық кеңесінің отырысына қатысады.
Бұл туралы бүгін Астанада өткен брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
«15 наурызда Мәскеуде ТМД Экономикалық кеңесінің 57-ші отырысы өтеді. Қазақстанның үкіметтік делегациясының қатысуымен өтетін отырыс барысында 2020 жылға дейінгі ТМД-ға қатысушы мемлекеттердің Инновациялық ынтымақтастығы мемлекетаралық бағдарламасының іске асырылуы барысы туралы мәселелер талқыға салынады», - деді ресми өкіл.