АСТАНА. ҚазАқпарат – Халықаралық үстел теннисі федерациясы қазақстандық спортшы Анастасия Лаврованың жекелей және Кирилл Герасименкомен бірге аралас сында әлем чемпионатына лицензия алғанын мәлім етті, деп хабарлайды ҚазАқпарат тілшісі.
Ұлттық олимпиада комитетінен мәлім еткеніндей, үстел теннисінен биылғы әлем чемпионаты 20-28 мамырда Дурбан қаласында (Оңтүстік Африка Республикасы) өтеді.
Аталмыш дүниежүзілік додада Қазақстан намысын мына спортшылар қорғайды.
Кирилл Герасименко – жекелей, жұптық және аралас сында;
Алан Құрманғалиев – жұптық сында;
Айдос Кенжеғұлов – аралас сында;
Денис Жолудев – жұптық сында;
Сағынтай Құрмамбаев – жұптық сында;
Зәуреш Ақашева – жекелей, жұптық және аралас сында;
Анастасия Лаврова – жекелей, жұптық және аралас сында;
Сарвиноз Миркадирова – жекелей сында.
Еске сала кетейік, бұдан бұрын қазақстандық қос спортшының үстел теннисінен әлем чемпионатына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).