Шайбалы хоккейден 20 жасқа дейінгілер арасындағы әлем чемпионатында Қазақстан жастар құрамасы бесінші ойынын өткізді, деп хабарлайды Kazinform.
IA дивизионында бесінші турда қазақстандық жастар Австриямен кездескен еді. Ойынның негізгі кезеңі 6:6 есебімен тең аяқталды. Жеңімпаз буллит сериясында анықталды. Бұл жолы австриялық хоккейшілер мүлт кеткен жоқ.
Осылайша Қазақстан жастар құрамасы қарсыласына 6:7 есебімен жеңіліп қалды.
Айта кетсек, қазақстандық хоккейшілер алғашқы төрт турда жеңіске жетті. Олар Венгрия (5:2), Дания (3:2), Франция (4:0) және Жапониядан (3:1) есебімен басым түсті.
Нәтижесінде бір тұрын элиталық дивизионға жолдама алды.
Қазақстандық хоккейшілер әлем чемпионатының бірінші дивизионында алты мәрте ойнады. Төртеуінде жеңімпаз атанып, элиталық дивизионға жолдама алған еді.
Қазақстан жастар құрамасы элиталық дивизионда сегіз мәрте бақ сынады. Жоғары жетістігі – 1999 жылы алтыншы орын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.