АСТАНА. KAZINFORM – Футболдан 21 жасқа дейінгі жастар құрамасы 2025 жылғы Еуропа чемпионаты іріктеу кезеңіндегі соңғы ойынында Шотландиядан басым түсті.
Алматы қаласындағы орталық стадионда өткен матчта қазақстандық жастар қарсыласынан 3:2 есебімен басым түсті. Денис Мамоновтың шәкірттері Айбар Абдулла, Әділбек Жұмаханов, Ян Труфанов мергендік танытты.
Қазақстандық жастар В тобында тоғыз ұпай жинап, турнир кестесінде алты құрама арасында бесінші орынға жайғасты. Ал Шотландия 16 ұпаймен үшінші орынға тұрақтады.
Еске салсақ, бұдан бұрын Ұлттар лигасында Қазақстан құрамасы қатарынан үшінші мәрте жеңілді.
Қазақстан Словениядан сырт алаңда 0:3, өз алаңында 0:1 есебімен есе жіберді. Сондай-ақ ел құрамасы қазірге дейін Норвегиямен 0:0 есебімен тең түсіп, Аустрияға 0:4 есебімен ойсырай жеңілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.