ҚР Ауыл шаруашылығы министрлігінің баспасөз қызметінен мәлім болды.
Ондағы мәліметтерге қарағанда, ең үлкен өсім жылқы шаруашылығы бойынша тіркеліп отыр. Нақтырақ айтсақ, елде жылқы саны 58,6% – 2,9 млн-нан 4,6 млн басқа дейін өскен. Осыған қарай қазір Қазақстан жылқы саны бойынша әлемдегі бес елдің қатарына кіреді.
Сондай-ақ 2026 жылғы 1 қыркүйектегі жағдай бойынша ірі қара мал басы 9 млн басқа, қой мен ешкі – 23,3 млн, құс – 47,8 млн, жылқы – 4,9 млн, түйе – 310,9 мың басқа жетті.
2026 жылдың қаңтар-тамыз айларында тірі салмақта 1,2 млн тонна ет, 2,7 млн тонна сүт және 3,2 млрд дана жұмыртқа өндірілді.
-Мал шаруашылығын одан әрі дамыту мал басы өнімділігін арттыруды, селекциялық-асылдандыру жұмыстарын жетілдіруді, жемшөп базасын нығайтуды және қайта өңдеу қуаттарын кеңейтуді көздейді. Тауарлы өнім көлемін ұлғайту, оның сапасын және ауыл шаруашылығы өндірушілері үшін экономикалық тиімділігін арттыру басымдық болып қала береді,-делінген хабарламада.
Осыған дейін елде мал өнімдерін өткізу тәртібі күшейтілетіні туралы жаздық.