Бұл туралы ҚазАқпарат ҚР Денсаулық сақтау министрлігінің баспасөз қызметіне сілтеме жасап хабарлайды.
Жалпы, бүгінгі таңда халыққа медициналық қызметтерді 7 мыңнан астам амбулаториялық-емханалық ұйым көрсетеді, оның ішінде мемлекеттік 59%, жеке меншік - 41%.
Жалпы практика дәрігерлерінің 12 мыңнан астам учаскесі ашылды.
Қант диабеті, гипертония және созылмалы жүрек жеткіліксіздігі бойынша ауруларды басқару бағдарламасын іске асыру жалғасуда. Бұл бағдарламаға динамикалық бақылаудағы пациенттердің 55%-ы қатысады.
Қазіргі уақытта алғашқы медициналық-санитарлық көмекті қаржыландыру денсаулық сақтауды қаржыландырудың жалпы көлемінің 52,4%-на дейін жеткізілді.
Бұл көрсеткіш 60%-ға дейін жеткізіледі. Осылайша, қымбат стационарлық емдеуден аурулардың алдын алуға көшу жүзеге асырылады.