Қазақстанда 2012 жылы кикбоксингтен Азия чемпионаты өтуі мүмкін

АЛМАТЫ. 29 қараша. ҚазАқпарат /Ерлік Ержанұлы/ - 21-26 қараша күндері кикбоксингтен Ирландияда өткен Әлем чемпионаты кезінде Халықаралық кикбоксинг федерациясы Қазақстанға 2012 жылы Азия чемпионатын өткізуді ұсынды. Ұлттық құраманың бас бапкері Қайрат Смағұловтың айтуынша,

Қазақстандық кикбоксингшілер Әлем біріншілігі мен Әлем кубогы жарыстарынан әрдайым жүлдесіз қайтып жүрген жоқ. Қазақстан кикбоксинг мектебінің бұл жетістігі халықаралық федерация тарапынан жоғары бағалынып отыр. 2013 жылы өтетін Бүкіләлемдік ойындардың дәрежелік іріктеу жарысы саналатын Азия чемпионатын Астана қаласында өткізуді сеніп тапсыруы елімізге көрсетілген үлкен құрмет деуге болады. Кикбоксинг 2013 жылғы ХІІІ жазғы Азия ойындарының бағдарламасына енгізіліп отырғанын ескерсек, бұл аталмыш спорт түрін елімізде бұдан ары дамытуға тың серпін берері күмәнсіз

Жалпы биылғы Әлем чемпионатында қазақстандықтар 11 салмақ дәрежесі бойынша сынға түсіп 1 алтын, 3 күміс, 4 қола медаль иеленді. Соның нәтижесінде жалпы командалық есепте ерлер арасында фул-контакттан 46 елдің арасында 4-орын алды. Қазақстаннан жеңімпаздардың саны бойынша тек Ресей, Түркия және Италия құрамалары ғана алға озып шықты.