НҰР-СҰЛТАН. ҚазАқпарат - ҚР Ауыл шаруашылығы министрлігі 1 маусымнан бастап азық-түлік тауарларын экспорттауға қойылған шектеулер мен квоталарды тоқтатады. Бұл туралы ҚР Ауыл шаруашылығы министрі Сапархан Омаров мәлімдеді, деп хабарлайды ҚазАқпарат тілшісі.
«Шектеулер мен квоталар төтенше жағдай кезінде азық-түлік қауіпсіздігін қамтамасыз ету мақсатында енгізілген еді. Қазіргі уақытта төтенше жағдай алынып, еліміз азық-түлікпен толық қамтамасыз етілген соң министрлік 1 маусымнан бастап шектеулердің күшін жоюды жоспарлап отыр. Тиісті бұйрық мақұлданып жатыр», - деді С. Омаров Үкімет үйінде өткен брифингте.
Бұған дейін ҚР Ауыл шаруашылығы министрлігі төтенше жағдай кезінде бірқатар ауыл шаруашылығы өнімдерін квота бойынша экспорттауға рұқсат беріп, кей азық-түлік тауарларын елден шығаруға тыйым салған еді.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.