Бұл туралы бүгін Білім және ғылым министрлігінің кеңейтілген алқа мәжілісінде ведомство басшысы Бақытжан Жұмағұлов мәлім етті.
Министрдің атап өткеніндей, 2011 жылы елде балабақшалардың саны 8096-ға жетті. Олардың саны 2010 жылғы 6446-дан 1650 бірлікке өсті.
«Бұл - өте жақсы қарқын. Мектепке дейінгі мекемелердегі балалардың жалпы саны - 588 мың. 1-6 жас аралығындағы балаларды қамту 47,5 пайызға жетті. Осылайша, біз мектепке дейінгі білім беру жүйесін толығымен қалпына келтіріп, сенімді түрде алға жылжудамыз», - дейді ведомство басшысы.
Б. Жұмағұловтың айтуынша, ең жоғары көрсеткіш - Қарағанды (97,1%), Қостанай (96,4%), Батыс Қазақстан (93,1%), Шығыс Қазақстан (92,3%) облыстарында.
Министрліктің мәліметтеріне қарағанда, жекеменшік балабақшалардың санын көбейтуге «Балапан» бағдарламасы үлкен серпін берді.
«Балапан» бағдарламасы мемлекеттік-жекеменшік әріптестікті дамытуға зор ықпал жасады. Сондықтан мұндай тәжірибені кеңінен қолдану керек», - деп түйіндеді сөзін министр.