«Сотталғандарға шартты түрде мерзімімен бұрын босату және жазаны неғұрлым жеңіліне ауыстыру тәрізді ынталандыру шараларын қолдану түрме халқын 8 мыңға азайтуға мүмкіндік берді және ол алғаш рет 40 мыңнан төмендеді. Бас бостандығынан айырылғандар саны 26,2 пайызға немесе 8 673-тен 6 871 тұлғаға дейін кеміді», - делінген ведомство хабарламасында.
Сонымен қатар, Бас прокуратураның ақпаратына сәйкес, қылмыстар үшін көбінесе бас бостандығынан шектеу жазасы қолданылып келеді. Ол 24 пайыз жағдайда тағайындалған. Айыппұлдар 7 есе (835-тен 6095-ке дейін), қоғамдық жұмыстар 5 есе (660-тан 3392-ге дейін) көп белгіленген.
«Мерзімімен бұрын босату туралы өтініштерді қанағаттандыру 70 пайызға жетті.
Нәтижесінде Қазақстан халықаралық түрме рейтингінде 55-ші орынға қарай жылжыды және алдыңғы қатарлы еуропалық елдермен бір қатарға орналасты», - делінген ақпаратта.
18:05, 16 Қаңтар 2016
Қазақстанда бас бостандығынан айырылғандар саны 26,2 пайызға кеміді
АСТАНА. ҚазАқпарат - ҚР Президентінің Қазақстанды «Түрмедегі адамдар» саны жоғары 50 елдің қатарынан шығару жөніндегі тапсырмасы орындалды. Бұл туралы ҚР Бас прокуратурасының баспасөз қызметінен хабарлады.