АСТАНА. ҚазАқпарат - Қазақстанда бензиннің тұрақтандыру қорын құру жоспарлануда. Бұл туралы бүгін ҚР Президенті жанындағы Орталық коммуникациялар қызметінде өткен брифингте ҚР Энергетика бірінші вице-министрі Ұзақбай Қарабалин мәлім етті.
«Тұрақтандыру қорын республиканың 10 күндік (АИ-92) тұтыну көлемінде құру жоспарланып отыр. Бұл шамамен 50 мың тонна. Бүгінде ол осы көлемдерді қандай бағамен сатып алатынымызға байланысты болмақ», - деді Ұ. Қарабалин.
Оның сөзіне қарағанда, бұл мәселе Ұлттық экономика, Қаржы министрліктерімен және еліміз бойынша жанар-жағармай құю желілері бар ірі бизнес субъектілерімен қарастырылуда. Сонымен қатар олармен осы жұмысты қаржыландырудың қажетті көлемі де талқылануда.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.