Қазақстанда биыл 10 шетелдік университеттің филиалы ашылады
АСТАНА. KAZINFORM — Биыл Қазақстанда шетелдік ең мықты 10 университеттің филиалы ашылады. Бұл туралы Ғылым және жоғары білім министрі Саясат Нұрбек «JibekJoly» телеарнасындағы «БүгінLive» бағдарламасына берген эксклюзивті сұхбатында айтты.
Фото: Солтан Жексенбеков / Kazinform
Оның сөзінше бұл жұмыс Президенттің тапсырмасына сай жүзеге асырылып жатыр. Негізгі мақсат — Қазақстанда академиялық және зерттеуші хаб құру. Сондықтан, шетелдің үздік 40 университет Қазақстанда филиал ашуға келісім берген.
Фото: Видеодан алынған скрин
— Үш мақсат қойып отырмыз біз. Бірінші: Қазақстанды осы академиялық хабқа айналдыру. Бұл бізге не береді? Бізге шетелден студенттер келеді. Қазақстанға биыл 31 мың жарым шетелдік студент келді. Бұл біздің тарихи рекордымыз. Қытайдан, Ресейден, Моңғолия, Әзербайжан, Индонезия, Түркиядан, АҚШ, Германиядан, Оңтүстік Африкадан, Нигериядан келіп жатыр, — дейді министр Саясат Нұрбек.
Айта кетейік, бұл жолы британдық, америкалық, Қытайдың, Ресейдің университеттері тек қана екі жақты бағдарлама қос дипломмен емес, толыққанды кампустар ашуға келеді.
Нәтижесінде 100 млн долларға жуық инвестиция тартылады деп күтіліп отыр.
Бұған дейін Астанада Кардиф университетінің толыққанды кампусы ашылғанын жазған болатынбыз. Еске салайық, бұл — зерттеуші форматындағы Британияның ең мықты университеттерінің бірі.
2012-2013 жылдары «ИРБИС» телеарнасында диктор,
2013-2014 жылдары «Қазақстан» РТРК АҚ Павлодар облыстық филиалы «Қазақстан-Павлодар» телеарнасында, тілші, 2014 жылдан бастап «Успен аграрлық-техникалық колледжі» КМҚК қазақ тілі мен әдебиетінің оқытушысы болып қызмет атқарды. Успен аудандық мәдениет үйінде әдіскер болды. «Көркем сөз» балалар шығармашылық үйірмесінің жетекшісі. 2018-2023 жылдары «ERTIS» телеарнасында диктор болып қызмет атқарады. Сонымен қатар «ЕЛАРНА» телеарнасында қосымша жұмыс істейді. Сондай-ақ «31 канал» «ИнформБюро» жаңалықтар қызметінің Павлодар облысы бойынша меншікті тілшісі. 2021-2023 жылдары Павлодар педагогикалық университеті баспасөз қызметінің басшысы болып еңбек етті. 2023 жылдың қазан айынан бері ҚР Президенті телерадио кешені "JibekJoly/Silk Way" телеарнасында тілші болып еңбек етеді.