"Жедел мәліметтер бойынша Қазақстанда ағымдағы жылы 10 айда 66,4 миллиард кВт/сағ. электр энергиясы өндірілді. Ал электр энергиясын тұтыну көлемі 67, 8 миллиард кВт/сағ. болды. 2014 жылға дейінгі бағдарлама бойынша келешекте электр энергиясын тұтыну көлемі жыл сайын орта есеппен 4 пайызға жуық артып отырмақ. Соның нәтижесінде 2014 жылы электр энергиясын өндіру 97,9 миллиард кВтс болса, тұтыну 96,8 миллиард кВт/сағ. болады деп болжануда", - дейді ҚР Инудстрия және жаңа технологиялар вице-министрі Дүйсенбай Тұрғанов.
Оның айтуынша, Үдемелі индустриалық-инновациялық даму жөніндегі мемлекеттік бағдарлама бойынша ағымдағы жылы 144 жобаны жүзеге асыру жоспарланып отыр. Алғашқы жартыжылдықта оның 72-сі іске қосылды. Олардың ішінде электр энергиясы саласындағы қуаты 54 Мвт болатын Орал ГЖЭС-ның бірінші турбогенераторы және 3,5 МВт.Қаратал ГЭС-і бар.
Сондай-ақ 300 МВт. Мойнақ ГЭС-і, 87 МВт. Ақшабұлақ ГЖЭС-і, 500 МВт. Экібазтұз ГРЭС-1-дің 3-энергоблогын, 1320 Мвт. Балқаш ЖЭС-ның құрылысын, 500 кВ "Алма" кіші станциясын және 500 Мвт. Екібазтұз ГРЭС-1-дің №8 блогын, 325 Мвт. Ақсу ГРЭС-інің №2 блогын қалпына келтіру және Шардара ГЭС-і пен НЭС жаңарту жұмыстары жүріп жатыр.
15:09, 02 Қараша 2010
Қазақстанда биыл 10 айда 66,4 миллиард кВт/сағ. электр энергиясы өндірілді - Индустрия және жаңа технологиялар вице-министрі
АЛМАТЫ. 2 қараша. ҚазАқпарат /Ерлік Ержанұлы/ - Қазақстанда биыл 10 айда өткен жылдың сәйкес кезеңімен салыстырғанда электр энергиясын өндіру 105,9 пайызға, ал тұтыну 108,6 пайызға ұлғайды. Бұл бүгін Алматыда өтіп жатқан Энергетиктер форумында айтылды.