«Былтырғы жағдайды 2011-2012 жылдардағы жағдаймен салыстыруға болмайды. 2013 жылы діни қақтығыстар мен текетірестер немесе араздықтар орын алған жоқ», - деді ол.
Марат Әзілханов 2013 жылы жүргізілген бірқатар әлеуметтанулық сауалнамалар өткізілгенін, сұрау салынған азаматтардың 90 пайызға жуығы еліміздегі діни ахуалды қалыпты деп бағалағанын атап өтті.
«Дінаралық қарым-қатынастар саласындағы мемлекет саясатын азаматтардың 86 пайызы қолдап отыр. Біздің ойымызша, осы көрсеткіштер діни саладағы мемлекет қабылдаған шаралардың пәрменділігін көрсетеді», -деді агенттік төрағасы.
Агенттіктің ұйымдастыру-әдістемелік тұрғыдан сүйемелдеуімен құрамында мемлекеттік органдардың мамандары, дінтанушылар, теологтар мен имамдар бар 500-ден астам ақпараттық топтардың жұмысы ұйымдастырылды. Тұрғындардың діни сауатын арттыру, Қазақстан халқының рухани құндылықтарын насихаттау және діни экстремизмнің алдын алу бағытында жүргізілген жұмыстар 1 млн. 300 мыңнан астам адамды қамтыды.