Қазақстанда ХҚКО мамандары туралы телехикая түсіріліп жатыр

АСТАНА. ҚазАқпарат - Қазақстанда Халыққа қызмет көрсету орталығының қызметкерлері туралы комедиялық телехикая жарыққа шығады.

«Консультанттар» («Консультанты») деп аталатын тележобаны Қанағат Мұстафин мен Ренат Қосай түсіріп жатыр. Фильмнің сюжеті әділдікті ту еткен Арман есімді жігіттің төңірегінде өрбиді. Осы шыншылдығының арқасында жұмысқа тұрақтай алмай жүрген ол бірде ХҚКО-на маман болып орналасады.

Басты рөлде Меруерт Түсіпбаева ойнайды. 15 сериядан тұратын теленовелла биыл қазан айынан бастап «Хабар» арнасында көрсетілмек, деп хабарлайды kinostan.kz.