АСТАНА. ҚазАқпарат - Қазақстан шайбалы хоккей федерациясының президенті Асқар Мамин Астанада Ресей ұлттық құрамасы штабының басшысы әрі Ресей хоккей федерациясының вице-президенті Роман Ротенбергпен кездесті, деп хабарлайды ҚазАқпарат.
Қазақстан хоккей федерациясының баспасөз қызметінен мәлім еткендей, қос тарап әріптестік туралы меморандум аясында белсенді жұмыс жүргізіп, тәжірибе алмасу мәселелерін талқылады.
Сондай-ақ, федерацияның халықаралық қарым-қатынасы мен ойыншылардың лигаларға ауысуын реттеу мәселелерін қарады.
Кездесу соңында Ресейде хоккейді дамытуға арналған «Красная машина» бағдарламасын Қазақстандағы хоккей мектептеріне енгізу туралы шешім қабылданды.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.