Қазақстанда Конго-Қырым қанды безгегіне шалдығудың алдын алу іс-шаралары басталды
Бұл ақпаратты ҚР Денсаулық сақтау министрлігінің баспасөз қызметі таратып отыр.
Ағымдағы жылы кенеге қарсы залалсыздандыру жүргізуге 614,5 млн. теңге бөлінді.
1 сәуірден бастап профилактикалық іс-шаралардың іске асырылуына апта сайынғы мониторингі жүргізіледі.
«Осыған байланысты азаматтарға, КҚҚБ-ның алдын алудың мынадай негізгі шараларын еске салғымыз келеді: табиғатта болған кезде, міндетті түрде арнайы киімді пайдаланыңыз, шалбардың балағын шұлықтың ішіне салыңыз, жеңнің және жағаның түймелерін тағыңыз, бұл кененің шағуын болдырмауға көмектеседі; егер шаққан кенені анықтаған болсаңыз, дәрігерлік көмекке жүгініңіз, бұл КҚҚБ ауруынан аман қалудың кепілі», - делінген ведомство ақпаратында.
Дүниежүзілік денсаулық сақтау ұйымы Қазақстанды безгек ауруынан еркін ел деп таныды. Бұл шешімді мәлімдеген ДДҰ-ның Бас директоры Маргарет Чен Қазақстанның безгек ауруынан еркін ұлттық аумағын ұстап тұрудағы жетістігін және республика Үкіметінің ұстанымын жоғары бағалады.