«NewTimes.kz» хабарлауынша, мұны отбасылық кәсіпке Алматы қаласының тұрғыны Дулат Үсенбаев айналдырған. Ол жобаның авторы әрі дизайнері, ал оның әпкесі Баян Усенбаева -менеджері. Жоба небәрі бір ай бұрын дүниеге келсе де, оның өнімдерін қазақстандық жастар құлшына сатып алуда. «Тапсырыстар еліміздің барлық өңірлерінен дерлік келіп түсіп жатыр, оған біз қуаныштымыз. Тұтынушыларымыздың басым бөлігі - жастар. Сондықтан, жастардың патриоттық сезімдері артып келеді деуге де болатын шығар», - дейді Б.Үсенбаева. Жейделерге типографияда Дулат Үсенбаевтың эскизі бойынша қажетті суреттер жапсырылады. Мұндай бір футболканың құны 5,5 мың теңге көлемінде.
20:34, 12 Шілде 2014
Қазақстанда «патриоттық» жеңсіз жейделер сәнге айналуда
АСТАНА. ҚазАқпарат - Қазақстандық жастардың арасында патриоттық дәйексөздер, қазақтың ұлттық батырлары, ғалымдары мен жазушылары, белгілі қайраткерлері бейнеленген жеңсіз жейделер (футболка) сәнге айналып барады.