— Қазақстанда жасы 30-дан асқан, заңгер мамандығы бойынша жоғары білімі бар, кемі 5 жыл заңгерлік салада қызмет еткен ҚР азаматы судья бола алады. Қазіргі таңда судьялық қызметке орналасудың 2 жолы бар.
Бірі — Жоғары сот кеңесі жанындағы Сот төрелігі академиясында оқып, судья қызметіне біліктілік экзаменін сәтті тапсыру арқылы.
Сот төрелігі академиясында оқудың артықшылықтары:
- 1 жыл ғана оқисың;
- Оқып жүрген уақытта жұмыс орның сақталады;
- Оқып жүрген уақытта жалақың сақталады;
- Астана соттарында тағылымдамадан өту мүмкіндігі беріледі;
- Шалғай аудандарға судьялық қызметке конкурстан тыс орналасады.
Екінші жол — Жоғары сот кеңесінің жанындағы Білік комиссиясының экзаменінен өту, - деді ол.
Оның айтуынша, тағы бір жеңілдік — академия түлектері соттарда тәжірибеден өту міндетінен босатылады.
Ал қазіргі кезде Жоғары сот кеңесінің біліктілік экзаменінен өткен басқа үміткерлер 6 айдан 1 жылға дейін соттарда тәжірибеден өтуі тиіс.
Айта кетейік, қазіргі кезде елімізде судьялық қызмет саласында 300 орын бос тұр.
Сондай-ақ, ҚР Жоғары сот кеңесінің мүшесі Ғафур Шаров елімізде сот тәуелсіздігін арттыру мақсатында қандай жұмыстар жүргізіліп жатқанын айтқан еді.