«Біздің елімізде күн сайын 1 мыңнан астам, ал жылына 400 мыңға жуық сәби дүниеге келеді. Бұл қуанарлық жайт. Өйткені, демографиялық ахуал оң саналады. Туу көрсеткішінің өсімі аясында өлім-жітім төмендеп отыр», - деді департамент басшысы.
Оның сөзіне қарағанда, соңғы 1 жылдың ішінде елімізде бала туу көрсеткіші 25 пайызға өсті. Бұған қоса, шала туған балалардың өмірге бейімделу көрсеткіші де жылдан-жылға артып келеді. «Егер 5 жылдың ішінде салмағы 1500 граммдық сәбилердің тірі қалу көрсеткіші 30 пайыз болса, бүгінде бұл көрсеткіш 60 пайызды құрап отыр. 2008 жылы шала туған балалардың тек 40 пайызы ғана тірі қалатын», - деді М.Ембергенова. Департамент директорының айтуынша, елімізде шала туған сәбилердің алғашқы 7 күннің ішінде шетінеу көрсеткіші де 2,5 есеге төмендеген. «Бұл ең үздік көрсеткіш. Яғни, біз сәбилерді қорғай аламыз, бағып-күте аламыз. Нәтижесінде бізде ана өлімі - 3 есеге, сәбилердің шетінеуі - 1,6 есеге қысқарды», - деді ол.