Қазақстанда топырақ құнары төмендеп барады - АШМ
«Соңғы уақытта республикамыздағы топырақтық-мелиоративтік және топырақтық-экологиялық жағдай нашарлап барады: топырақ құнарлылығы ұдайы төмендеп, желге мүжілуі мен екінші қайтара тұздануы байқалады. Соның салдарынан ауыл шаруашылығы дақылдарының өнімділік көрсеткіші тура біздің еліміздегідей табиғи климаттық жағдайдағы республикалардың көрсеткішімен салыстырғанда, айтарлықтай қалып келеді», - деді вице министр.
Оның сөзіне қарағанда, барлық өңірлерде дерлік топырақ құрамындағы көң, қи секілді ауыл шаруашылығы дақылдары үшін өнімділікті арттыратын құрамдастары азайып кеткен. Бұдан бөлек, соңғы уақыттарда жүргізілген агрохимиялық зерттеулер көрсеткеніндей, суармалы емес жерлердің 63 пайызында, ал суармалы жерлердің 98 пайызында көңнің төмендігі тіркелген. Осының өзі жердің деградация және дегумификациясына дәлел бола алады. «Осыған байланысты еліміздің топырақтық өнімділік ресурсының тұрақтылығын сақтауға қауіп төніп тұрғанын атап өтуге болады. Бұл проблеманың шешімі үшін топырақтың өнімділігін арттыруға қатысты шаралар қабылдануы керек, ауыл шаруашылығына арналған жерлерді тиімді пайдалану керек», - деді С.Омаров.